"Bu gün təkcə böyük bir şairi deyil, həm də böyük bir vətəndaşı, əziz bir ağsaqqalı itirdik".
AZXEBER.COM xəbər verir ki, bu sözləri Beynəlxalq Muğam Mərkəzində keçirilən Xalq şairi Nəriman Həsənzadə ilə vida mərasimində aparıcı Murad Dadaşov deyib.
O bildirib ki, Nəriman Həsənzadə ilə ilk görüşdən ona qarşı xüsusi doğmalıq hiss edib:
"Nəriman müəllim o nadir insanlardan idi. Onunla ilk görüşümüzdən etibarən mənim ona qarşı xüsusi marağım və sevgim yarandı. Onu qucaqlamaq istəyirdim. Çünki Nəriman müəllimdən insana doğmalıq, rahatlıq və mehribanlıq yağırdı".
Murad Dadaşov qeyd edib ki, şairin qadına həsr etdiyi şeirlərdən biri ona xüsusilə dərin təsir bağışlayıb:
"Çox məşhur olmayan bir şeirini eşitmişdim. Həmin şeirdən böyük zövq aldım. O əsərdə elə incə məqamlar var idi ki, insan onun nə qədər həssas və incə qəlbli olduğunu hiss edirdi".
Aparıcı Nəriman Həsənzadə ilə birgə çalışmaqdan qürur duyduğunu da vurğulayıb:
"Özümü xoşbəxt sayıram ki, həmkarlarımla birlikdə Nəriman müəllimlə sıx əməkdaşlıq etmək bizə qismət oldu. Onun böyük tamaşalarından birinə imza atmaq şərəfi də bizə nəsib olmuşdu".
Fəridə Əsədzadə
