"Bank of Baku"nun internet bankçılıq xidmətindən istifadə edən müştəri necə soyulduğunun şahidi olub.
AZXEBER.COM xəbər verir ki, bu barədə bankın müştərisi olan İT eksperti Cahid İsmayıloğlu məlumat verib. Onun sözlərinə görə, bankın "internet bankçılıq" xidmətindən yararlandığı zaman qeyri-adi mənzərə ilə qarşılaşıb. Belə ki, o balansındakı 40 manatın 30 manatını xərclədikdən sonra bankın onun büdcəsini necə yox etməsinin şahidi olub. Şikayətçinin sözlərinə görə, bank 40 manatdan 30 manatı çıxdıqdan sonra onun balansında 10 manat yerinə 0 manat saxlayıb:
"Bank of Bakunu növbəti dəfə oğurluq üstündə tutdum. Bankın riyazi hesablamalarına görə 40 manatdan 30 manat çıxanda yerdə 0 manat qalır. Zəng etdiyim dəstək mərkəzindəki xanım da bunu təsdiq etdi".
C.İsmayıloğlunun sözlərinə görə, bundan başqa bankın "internet bankçılıq" xidmətinin fəaliyyəti axşam saatlarında tamamilə dayandırılır. Balansındakı pullarla hansısa əməliyyat etmək istəyən müştərilər səhərin açılmağını gözləməlidir. 
