Tanınmış akyor Fərda Xudaverdiyevin qonaq olduğu "Tarixin bir günü" verilişində gərgin anlar yaşayıb.
AZXEBER.COM xəbər verir ki, aktyor efirə zəng edən tamaşaçı ilə mübahisə edib.
Buna səbəb tamaşaçının gənc aktyorlara yönələn tənqidi fikirləri olub:
"Bizim istedadlı aktyor yetişdirən ali məktəblərimiz artıq yoxdur. Bu gün sənətə gələcəkdə sənətkar ola biləcək aktyorlar gəlmir. İndi oranı bitirənlər sanki avtobus sürücüsü, saç və ya dırnaq ustalarıdır. Fərəhlə baxdığımız "Komedixana"nın aktyorları əziyyət çəkirlər, səhnəciklər hazırlayırlar amma onların da nə etmək istədiyi bəlli deyil. Elçin Həmidov, Arif Quliyev kimi bizim gözəl parodiyaçı sənətkarlarımız olub. Qonağınız olan Fərdanı da "yontalayıb" daha gözəl aktyor etmək olar".
Tamaşaçının bu fikirləri aktyorun qəzəbinə səbəb olub:
"Mən 22 ildir sənətdəyəm, siz məni tanımırsız. Amma mənim haqqımda fikir bildirərkən heç olmasa əlinizin altındakı internetdən istifadə edə bilərdiniz. "Yontalamaq" nə deməkdir? 22 ildən sonra məni heç kəs "yontalaya" bilməz. Mən tənqidlərə açığam amma bizim də ailəmiz efirə baxır. Bizim istənilən tamaşalarımızda çox gözəl aktyorlar var, çox da savadlı tamaşalar oynanılır. Siz nə qədər ki, ölülərin ətəyindən yapışacaqsınız, dirilər belə əziyyət çəkəcək".
Aysel
