“Sumqayıt”ın Azərbaycan əsilli, Almaniya doğumlu hücumçusu Pərdis Fərcad-Azad millimizə dəvət alacağı ilə bağlı yayılan məlumatlara aydınlıq gətirib.Qol.Az-a açıqlamasında Pərdis bunun gerçəkləşməsini çox istədiyini bildirib:“Özüm Almaniyada doğulsam da, Azərbaycana bağlı insanam. Konkret olaraq, nənəm bakılıdı. Ona görə də özümü azərbaycanlı sayıram. O ki Azərbaycan millisində oynamağa, özüm də bunu çox istəyirəm. Çünki dediyim kimi, Azərbaycan mənə doğmadır. Ancaq hələ ki, rəsmi olaraq, millidən heç bir təklif almamışam”.
Qeyd edək ki, “Bakı” ilə VII tur matçında komandasının yeganə qələbə qolunu vuran Pərdisin milli komandaya dəvət alacağına dair söhbətlər yayılıb.
