"İsrail müharibəni qalib gələrək bitirəcək. Bölgəmizə sülh gətirmək üçün Qəzzada işi bitirməliyik".
Qəzzanın tamamilə dağıdılmış böyük bir dağıntı sahəsi olduğunu qeyd edən Tramp Qəzzadakı fələstinlilərin qonşu ölkələrdə, xüsusilə Misir və İordaniyada tikiləcək yeni qəsəbələrə getmələrinin çox daha yaxşı olacağını müdafiə edib.
"Cənab prezident, gələcəyimizi təmin etmək və bölgəmizə sülh gətirmək üçün Qəzzada işi bitirməliyik. İsrail müharibəni udmaqla müharibəyə son qoyacaq. İsrailin qələbəsi Amerikanın qələbəsi olacaq. Birlikdə çalışaraq, təkcə müharibəni deyil, sizin liderliyiniz və tərəfdaşlığınızla sülhü də qazanacağıq. Bölgəmiz üçün parlaq bir gələcək quracağıq və daha da böyük müttəfiqliyimizi Netanyahuya aparacağıq" - deyə Netanyahu qeyd edib.
"ABŞ Qəzza zolağını ələ keçirəcək və biz orada bir iş görəcəyik. Buranın sahibi olacağıq və ərazidəki bütün təhlükəli partlamamış bombaları və digər silahları yığışdırmaqdan, dağılmış binalardan xilas olmaqdan məsul olacağıq" - deyə Tramp Netanyahu ilə görüşündə deyib.
Qəzzanın çox təhlükəli olduğunu söyləyən Tramp "İnsanların geri qayıtmasını necə təmin edirsiniz? Siz deyirsiniz ki, Qəzzaya qayıdın. Orada ancaq ölüm olacaq. Bunun ən yaxşı yolu çıxıb günəş işığı olan gözəl açıq yerlərdə gözəl binalar tikməkdir. O zaman onlar Qəzzaya geri qayıtmaq istəməyəcəklər. Orada heç kim yaşaya bilməz. Biz başqa xalqın verdiyi çoxlu pulla inşa edə bilərik, başqa bir dövlət, çox başqa bir ölkə, çox zəngin ola bilərsən, beş və ya altı zonanın yalnız bir zona olması lazım deyil, bu, onların ölməyəcəyi bir yerdir, çünki Qəzza onların sonunda öləcəklərinə zəmanət verir" - deyə Tramp fikirlərini yekunlaşdırıb.
Mikayıl
