Azərbaycan Respublikasının Gənclər Fondunun dəstəyi, "Davam" Gənclər Hərəkatının təşkilatçılığı ilə 2-7 fevral tarixləri aralığında Naftalan şəhərində baş tutacaq "Gənc Liderlər üçün Qış Universiteti"nin növbəti mövsümünə start verilib.
Açılışda iştirak edən "Davam” Gənclər Hərəkatının İdarə Heyətinin sədri Nihad Allahyarlı AZXEBER.COM-a açıqlamasında bildirib ki, Qış Universitetində hər şey yüksək səviyyədə təşkil edilib:
"Hər şey yüksək səviyyədə gedir. Artıq Qış Universitetinin 3-cü gününü yaşayırıq. 2 fevral "Gənclər günü"də biz bu layihəyə Naftalanda start verdik. Hər gün müxtəlif təlimçilərin iştirakı ilə maraqlı təlimlər baş tutur. Gənclər düşərgədə olduğu müddətdə istər təlimçilərdən bilik və bacarıqlar əldə etməklə yanaşı, həmçinin maraqlı dostluqlar və əlaqələr də qururlar.
Sədr bildirib ki, bu düşərgə gənclər üçün yararlı perspektivlər ortaya qoyur:
"Gənclər bu universitetdə dövlət və hökumət nümayəndələri ilə maraqlı, faydalı əlaqələr qurub, diskusiyalar aparacaqlar. Təlimçilərdən effektli və onlara lazım olan məlumatlar əldə edəcəklər. Həmçinin yeni trendlərlə tanış olub, özlərini inkişaf etdirərək peşəkar gənclərə çevriləcəklər".
Mikayıl Mirzəzadə
