"Hər bir sənət adamı danışığına fikir verməlidir”.
AZXEBER.COM xəbər verir ki, bu sözləri Milli Məclisin deputatı, bəstəkar Novruz Aslan deyib.
"İncə səhər” verilişinin qonağı olan Novruz Aslan çıxışı zamanı sənət adamlarının cəmiyyət qarşısındakı məsuliyyətindən danışıb.
O bildirib ki, müğənni və ümumilikdə tanınmış şəxslər öz davranışları ilə insanlara nümunə olmalıdırlar:
"Müğənni öz danışığı, mahnıları, üslubu və mədəniyyəti ilə insanlara ismarıc verməlidir. Bu, həm aparıcılara, həm də müğənnilərə aiddir. Ziyalı insanlar oturuşuna, duruşuna, yerişinə fikir verməlidirlər. "Mən tanınmış biriyəm, mənə hər şey olar" kimi fikirlər olmamalıdır. Belə yanaşma insanı hər zaman ucaldacaq. Ömür çox qısadır, onu elə yaşamaq lazımdır ki, sonda peşmançılıq olmasın”, - deyə o qeyd edib.
Aysel
