Nura Suri "instagram" hesabının hekayə bölməsindən etdiyi paylaşımla gündəmə gəlib.
AZXEBER.COM xəbər verir ki, müğənni klip çəkilişi etmək üçün bəyəndiyi məkanların çəkilişə icazə verməməsindən gileylənib.
Müğənni, sənət adamlarının bu səbəbdən çəkiliş üçün xarici ölkəyə üz tutmağa məcbur qaldığını deyib:
"Yaradıcı insanlar, rejissor, videograf, fotoqraflar əziyyət çəkirlər məkan baxımından. Gözəl kliplər, şəkilllər çəkmək üçün yetərincə gözəl məkanlarımız var, amma və lakin icazə məsələsi çox qəlizdir. Haradasa çəkiliş etmək üçün ya qiymətlər uçur, ya da icazə almaq üçün qapı-qapı gəzməli olurlar. Sonda da daha münasib amma konseptə qismən uyğun olan yerlərdə çəkməli olurlar. Nəinki dövlət müəssələri, həttə küçədə də çəkiliş etmək üçün haradansa icazə alınmalıdır. Hamı şikayət edir ki, bizdə bu qədər yaradıcı insanlar ola-ola niyə gedib Türkiyədə, Gürcüstanda, Ukraynada və s. klip çəkdirir məşhurlar? Bu yaradıcı insanlara şərait yaradılır ki, nəsə edə bilsinlər?
Daha sonra müğənni, bu məsələ ilə bağlı fotoqrafın narahatlığını da dilə gətirib:
"Hamı masanın üstünə şam düzüb klip çəkməli olur hansısa restoranda. Gözəl məkanlarımızı niyə çəkməyə icazə yoxdur? Ümumiyyətlə, bu icazə məsələləri hansı qanuna əsasən tənzimlənir? Raj Steven kimi fotoqraf niyə belə problemlə üzləşməlidir axı? Niyə dəyəri bilinmir belə sənətkarların? Əslində, deməyə çox söz var, amma o başqa vaxta qalsın. Dünən Rajın statusun görüb məyus olduğum üçün yazdım".
Qeyd edək ki, fotoqraf Raj Steven də çəkilişdə üzləşdiyi problemlərdən şikaət edib.
Aysel
