AZXEBER.COM xəbər verir ki, bu sözləri "Xəzər TV”də yayımlanan "Xəzər axşamı" verilişində "Xalq ulduzu" müsabiqəsinin qalibi Mehman Elmanoğlu deyib.
Sənətçi, məşhur bir aparıcının efirə çıxmaq üçün ondan pul tələb etdiyini bildirib:
"Mənim əslində heç kəslə işim yoxdur. O trenddə olan müğənniləri dəvət edirəm, gəlsinlər bura, birlikdə canlı oxuyaq. Onlar oxuya bilmirlər, sadəcə olaraq millətin zövqünü korlayırlar. Bizim kimi yaxşı ifaçılar da qalır kənarda. İllərlə ali təhsil almışam, "Xalq uıduzu"nun qalibi olmuşam, Aybəniz Haşımovanın "Bülbüllər" qrupunda çıxış etmişəm. Amma mənə "Xəzər TV"dən başqa heç bir kanal təmənnasız dəstək olmur.
Bir aparıcı var, onun verilişinə çıxmaq istədim. Çünki yeni mahnı təqdim etmişdim. Ona dedim ki, arada bir məni də verilişinə çağır. O mənə elə bir məbləğ dedi ki... Düşünmüşdüm ki, nəysə bir hədiyyə alıb verərəm, amma o təkid etdi ki, bu məbləği ödəməlisən. Onda ona sual verirəm ki, bəs niyə dili pəltək olan, sözləri düz tələffüz etməyən müğənnini efirinizə dəvət edirsiniz?".
Aysel
