Bir neçə gün öncə ATV-də yayımlanan "Rəngarəng” verilişinin qonağı olan gənc ifaçı Zəhra Muradovanın efirdə canlı ifası ciddi müzakirələrə səbəb olmuşdu və müğənninin ifası yarıda kəsilmişdi.
AZXEBER.COM xəbər verir ki, Xalq artisti Zabit Nəbizadənin də qonaq olduğu verilişdən sonra sənətkar məsələ ilə bağlı açıqlama vermişdi.
Xalq artisti açıqlamasında gənc müğənnini efirə dəvət edənləri sərt şəkildə qınayaraq "Fikrimcə, onu efirə çağıran adamın başı düzgün işləsəydi, mənim yanıma çağırmazdı. Özü də mənə demişdilər ki, sənə layiq sənətçilər çağırılacaq" sözlərini işlətmişdi.
Bu gün "Rəngarəng" verilişində yenidən qonaq olan Xalq artist Zabit Nəbizadə fikirlərinin təhrif olunduğunu bildirib:
"Mən o müsahibənin yayımlanacağını bilmirdim. Hər zaman mənə zəng edən, hal-əhval tutan bir adam idi və biz öz aramızda elə-belə danışdıq bu məsələni. Verilişdə baş verənləri dedim sadəcə. O yazını da görəndə çox əsəbləşdim, heç sonacan oxumadım. Fikirlərim təhrif olunub. Görünür ki, Zaurla ramızı vurmaq istəyirlər. Mənim Zaura da, bu verilişə də hörmətim var. Hər zaman gəlmişəm, gələcəyəm də".
Aysel
