Oktyabr ayının 16-20 tarixlərində Şimali Kipr Türk Cümhuriyyətində (ŞKTC) Türk Dünyası Gənclər Forumu baş tutacaq. AZXEBER.COM-un müsahibi forumun təşkilatçılardan olan Azərbaycan Kıbrıs Dostluq Cəmiyyəti İdarə Heyətinin sədri Orxan Həsənoğludur.
- Orxan müəllim, ilk olaraq zəhmət olmasa forum haqda məlumat verərdiz..
- Bildiyiniz kimi forum 16-20 oktyabr 2016 tarixində Şimali
Kipr Türk Respublikasında baş tutacaq. Bu forumda 24 ölkədən gənclər iştirak edəcək.
Ümumilikdə açılışına 300 nəfər qonaq dəvət edilən bu beynəlxalq tədbirdə ölkəmizi
40-a yaxın qonaq təmsil edəcək.
- Necə oldu ki, bu ideya yarandı?
- Türk
Birliyi Dayanışma Dərnəyi rəhbərliyi olaraq fikir mübadiləsi edərkən həmçinin dərnəyin
gələcək planları barədə söhbət edirdik. Ölkəmizin bu il dövlət müstəqilliyinin
25-ci ili üçün də yaxşı bir tədbir hazırlamağın vacibliyi üzərində durduq. Bu
tarix hər bir azerbaycanlı və Azərbaycanı sevən hər kəs üçün əhəmiyyətə
malıikdir. Biz də qərarlaşdırdıq ki, məhz Gənclər Forumu keçirək və bu tarixi
günü birlikdə qeyd edək.
- Ümumiyyətlə, Şimali Kipr Türk Cümhuriyyətində Azərbaycana qarşı münasibət necədir?
- Bilirsiz ki, sadəcə Kiprdə deyil istənilən ölkədə
bizə olan münasibəti formalaşdıran elə biz özümüzük. Biz qəbul etməliyik ki,
harada yaşamağımızdan asılı olmayaraq biz həmin ölkələrə xaricdən – yad bir ölkədən
gəlmişik. Bizim bütün hərəkətlərimiz ölkəmizin adına yazılır. Bunun üçün də
Kiprdə yaşayan azerbaycanlılar olaraq bizler buna çox diqqət edirik. Ümumilikdə
isə Kipr çox balaca bir ölkədir. Beynəlxalq aləmlə demek olar ki, dövlətlərarası
qarşılıqlı iş birlikləri yoxdur. Bunun üçün də Kiprdə qardaş Azərbaycana maraq çox böyükdür
- 18 oktyabr Müstəqillik günümüz də təmtəraqlı qarşılacaq. Həmin gün orada kimlər iştirak edəcək?
- AKDC
olaraq biz hər zaman xalqımızın bayramlarını və müxtəlif önəmli günləri burada
geniş bir şəkildə qeyd edirik. Bu il də bizim üçün daha çox önəm daşıyır. Çünki
dövlət müstəqilliyi asanlıqla qazanılmayıb və bizim bu gün güclü və böyük dövlətə
çevrilməyimizdə müstəqilliyimizə borcluyuq. Biz müstəqillik günümüzlə bağlı bir
neçə tədbir hazırlamışıq. Bununla bağlı Azərbaycan
yazıçılarının kitab təqdimatı olacaq. Azərbaycan Müstəqilliyinə həsr olunan rəsmi
tədbirimiz baş tutacaq. Bundan başqa 18 oktyabr günü Azərbaycan Mədəniyyət Gecəsi
keçirəcəyik. Tədbirdə Prezident Administrasiyası rəsmiləri, millət vəkilləri
diaspora komitəsinin nümayəndələri, QHT və media rəhbərləri iştirak edəcək.
Bundan əlavə KKTC Baş naziri, Türkiyənin baş nazirinin müavini, millət vəkilləri
iştirak edəcək.
- Gələcəkdə belə bir forumun Azərbaycanda keçirmək planınız varmı?
- Əlbəttə,
bildiyiniz kimi ölkəmizdə mötəbər tədbirlər baş tutur və cənab president özü şəxsən
bu cür tədbirləri dəstəkləyir. İnşAllah 2017-ci ildə bu tədbiri Azərbaycanda da
keçirməyi planlaşdırırıq.
-Şimali Kipr Türk Cumhuriyyəti - Azərbaycan münasibətlərində gənclərin rolunu necə görürsüz? Gənclərin üzərində hansı vəzifə düşür
- KKTC Gəncliyi bizim Azərbaycan gəncliyi kimi aktiv deyil. Daha doğrusu
beynəlxalq layihələrdə görmək çox çətindir onları. Çünki dövlət tanınmır.
Kıbrıslı gənclər QHT sektorunda demək olar ki, çox zəifdirlər. Bu mənada Azərbaycan
gəncliyini alqışlamaq lazımdır. Bizim burada təhsil alan tələbələrimiz çox
aktivdirlər. Hər zaman milli məsələlərdə birləşə bilirik. Bu müsbət addımdır. Amma
ikitərəfli iş konkret olaraq gənclər arasında yoxdur.
Biz
Dağlıq Qarabağ kimi problemi olan bir ölkənin vətəndaşlarıyıq. Gənclerimiz
keçmişə baxıb, gələcəyə hazırlanmalıdır. Biz axı sadəcə özümüz üçün yaşaya bilmərik.
Bizim talehimiz Azərbaycanın talehindən asılıdır. Azərbaycan güclü deyilsə, biz
fərd olaraq bir heçik. Deyirlər ki ailə kiçik dövlətdir və bu ailələrin
birliyindən gücle dövlət yaranır. Gənclərimiz dövlətimizin milli dəyərlərinə
sahib çıxmalıdırlar, çox çalışmalıdırlar. Vətənpərvərlik çox vacib bir amildir.
Bizim soydaşlarımızda mən bunu görürəm və onlarla qürur duyuram.
