Ermənistanın baş naziri Nikol Paşinyan Avrasiya İqtisadi İttifaqının (Aİİ) Minskdə keçiriləcək sammitinə getməyəcək.
Bu barədə Belarus xarici işlər naziri Maksim Rıjenkov bildirib.
Qeyd edilib ki, o, tədbirə videobağlantı ilə qoşulacaq.
"Aİİ-yə üzv ölkələrin bütün rəhbərləri, Ermənistan baş naziri istisna olmaqla, tədbirdə şəxsən iştirak edəcəklərini təsdiqləyiblər. Nikol Paşinyan forumda distant formatda - videobağlantı vasitəsilə iştirak edəcək", - XİN başçısı qeyd edib.
Aİİ sammiti iyunun 26-27-də Belarusda keçiriləcək.
/Report
