Azərbaycanın iqtisadi rayonları üzrə şagirdlərin riyazi savadlılıq, təbiət elmləri və oxu savadlılığı göstəriciləri açıqlanıb.
AZXEBER.COM xəbər verir ki, bu sözləri elm və təhsil naziri Emin Əmrullayev PISA 2025 – Şagird Qiymətləndirilməsi üzrə Beynəlxalq Proqramın nəticələrinin təqdimatı zamanı deyib.
Təqdim olunan nəticələrə əsasən, riyazi savadlılıq üzrə ən yüksək orta bal Bakı iqtisadi rayonunda – 460 bal, ən aşağı göstərici isə Mil-Muğan iqtisadi rayonunda – 360 bal qeydə alınıb.
Təbiət elmləri üzrə ən yüksək nəticə Bakı iqtisadi rayonuna (440 bal), ən aşağı nəticə isə Mil-Muğan iqtisadi rayonuna (355 bal) məxsusdur.
Oxu savadlılığı üzrə isə ən yüksək orta bal Bakı iqtisadi rayonunda (405 bal), ən aşağı göstərici Mil-Muğan iqtisadi rayonunda (325 bal) olub.
İqtisadi rayonlar üzrə nəticələr belədir:
* Abşeron-Xızı: riyaziyyat – 449, təbiət elmləri – 429, oxu – 393 bal;
* Bakı: 460, 440, 405 bal;
* Dağlıq Şirvan: 416, 403, 359 bal;
* Gəncə-Daşkəsən: 437, 419, 376 bal;
* Lənkəran-Astara: 392, 383, 353 bal;
* Mil-Muğan: 360, 355, 325 bal;
* Mərkəzi Aran: 382, 378, 341 bal;
* Naxçıvan: 436, 421, 385 bal;
* Qarabağ: 372, 368, 344 bal;
* Qazax-Tovuz: 387, 373, 340 bal;
* Quba-Xaçmaz: 405, 397, 357 bal;
* Şirvan-Salyan: 393, 380, 346 bal;
* Şəki-Zaqatala: 426, 413, 374 bal;
* Şərqi Zəngəzur: 395, 387, 357 bal.
