Prezident İlham Əliyev Beynəlxalq Atçılıq Federasiyasının prezidentini qəbul edib
Bütün Xəbərlər
16:46 24.04.2011
1848
Sonra Prezident İlham Əliyevin və xanımı Mehriban Əliyevanın Ülyahəzrətləri Haya Bint Əl Hüseynlə görüşü olub.
Ülyahəzrətləri Haya Bint Əl Hüseyn Birləşmiş Ərəb Əmirliklərinin vitse-prezidenti, Baş naziri, Dubay Əmiri Şeyx Məhəmməd Bin Rəşid Al Maktumun və İordaniya Haşimilər Kralı II Abdullahın salamlarını dövlətimizin başçısına çatdırıb.
Prezident İlham Əliyev Birləşmiş Ərəb Əmirliklərinin vitse-prezidenti, Baş naziri, Dubay Əmiri Şeyx Məhəmməd Bin Rəşid Al Maktumla bir neçə il bundan əvvəl Dubayda keçirdiyi görüşünü məmnunluqla xatırlayıb. İordaniya Haşimilər Kralı II Abdullahla isə mütəmadi olaraq görüşdüyünü vurğulayan dövlətimizin başçısı yüksək səviyyəli qarşılıqlı səfərlərin önəmini qeyd edib.
Görüşdə ümummilli lider Heydər Əliyevin xatirəsinə həsr olunmuş atçılığın konkur növü üzrə beynəlxalq yarışın əhəmiyyəti qeyd edilib, tədbirin Azərbaycanın beynəlxalq idman əməkdaşlığının genişlənməsi işinə töhfə verəcəyinə əminlik ifadə olunub.
Prezident İlham Əliyev Birləşmiş Ərəb Əmirliklərinin vitse-prezidenti, Baş naziri, Dubay Əmiri Şeyx Məhəmməd Bin Rəşid Al Maktumun və İordaniya Haşimilər Kralı II Abdullahın salamlarına görə minnətdarlığını bildirib, onun da salamlarını Dubay əmirinə və İordaniya Kralına çatdırmağı xahiş edib.
AzərTAC
OXŞAR XƏBƏRLƏR
ƏN SON XƏBƏRLƏR
