Xəbər verdiyimiz kimi, tanınmış jurnalist Aytəkin Alxaslı Prezident tərəfindən "Tərəqqi” medalı ilə təltif olunub.
AZXEBER.COM jurnalistin təəssüratını öyrənmək üçün onunla əlaqə saxlayıb.
O ilk növbədə jurnalist həmkarlarına təşəkkür edib: "Dünən sizin sayt mənim haqda xəbər yazmışdı. Nə qədər insan mənə zəng etdi, təbrik etdi. Sizə və bütün həmkarlarıma təşəkkür edirəm. İlk olaraq mənə qardaşım oğlu, qardaşımın nəvəsi və Aytən Səfərova zəng etdi. Mən bu zaman Qubadan tədbirdən gəlmişdim. Bu xəbəri eşidəndə 1982-ci ilə universitetə qəbul olanda sevindiyim qədər sevindim.
Jurnalist onu "Tərəqqi" medalına layiq görən Prezidentə təşəkkür edib:
Jurnalist onu "Tərəqqi" medalına layiq görən Prezidentə təşəkkür edib:
"Cənab Prezident Qarabağ savaşı və Tovuz hadisələri ilə qarşılaşdığımız məqamda vaxt tapıb, mənim kimi sadə bir insanı qiymətləndirirsə, bu necə hiss ola bilər? Cənab Prezidentə sonsuza qədər təşəkkür edirəm. Kaş əlim çatardı, həmin dəqiqə Cənab Prezidentə şəxsən təşəkkürümü bildirərdim. Prezidentin bu sərəncamı məni qaranlıq bir quyudan işıqlı dünyaya çıxardı.
"Hazırda işsizsiniz bəs necə dolanırsınız?" sualına isə jurnalist belə cavab verib: "ANS bağlanandan mən əməkhaqqı almıram. Ailəmin-bacımın, qardaşımın hesabına dolanıram".
Günel Hüseynli
