Bu axşam Çempionlar Liqasının qrup mərhələsi çərçivəsində V tura start veriləcək.
AZXEBER.COM-un məlumatına görə, ilk oyun günündə 8 qarşılaşma baş tutacaq.
E qrupunun autsayderi "Nordsjaelland" (Danimarka) doğma meydanda "Şaxtyor"u qəbul edəcək. Lider "Çelsi" isə səfərdə "Yuventus"un qonağı olacaq.
F qrupunda son Belarus çempionu BATE öz meydanında Fransa "Lill"i ilə qarşılaşacaq. Qrupun lideri "Valensiya" ikinci pillədə qərarlaşan "Bavariya"nı sınağa çıxacaq.
G qrupunda növbəti mərhələyə çıxmaq şanslarını saxlayan "Spartak" (Moskva) klubu doğma azarkeşləri önündə "Barselona" ilə üz-üzə gələcək. Qrup ikincisi "Seltik" klubu səfərdə "Benfika"nın qonağı olacaq.
H qrupunda son Türkiyə çempionu "Qalatasaray" klubu öz meydanında "Mançester Yunayted"lə görüşəcək. Digər oyunda isə Rumıniya "ÇFR Kluj"u Portuqaliya "Braqa"sı ilə münasibətlərinə aydınlıq gətirəcək.
Qeyd edək ki, V turun oyunları sabah keçiriləcək 8 oyunla yekun vurulacaq.
