Türkiyənin Samsun limanından Rusiyanın Novorossiysk limanına hərəkət edən və meyvə-tərəvəzlə yüklənmiş konteynerlər daşıyan "Nadejda” gəmisi Ukrayna dronu ilə vurulub.
AZXEBER.COM xəbər verir ki, gəminin ekipaj üzvləri Azərbaycan və Türkiyə vətəndaşlarından ibarətdir.
Türkiyənin "Kalyoncu” fırmasına məxsus gəmi başqa bir ölkənin bayrağı altında üzür.
Gəmi Bakı vaxtilə 19:30 radələrində vurulub.
Hücum nəticəsində itkin düşənlər olsa da, onlar tapılıb, lakin vəziyyətləri ağırdır.
***
Gəminin kapitanı bildirib ki, Ukrayna hücumda 6-7 PUA-dan istifadə edib. Hücum nəticəsində gəmidə yanğın baş verib, 4 nəfər yaralanıb.
***
"Nadejda" gəmisində 13-ü Türkiyə vətəndaşı olmaqla, ümumilikdə 22 heyət üzvü olub və dənizçilər Rusiya dəniz qüvvələri tərəfindən təhlükəsiz şəkildə Novorossiysk limanına təxliyə olunub.
Bu barədə Türkiyə Nəqliyyat və İnfrastruktur Nazirliyinin Dənizçilik Baş İdarəsi məlumat verib.
