"Qarabağ” Konfrans Liqasında mübarizəyə II təsnifat mərhələsindən başlayıb.
AZXEBER.COM xəbər verir ki, Qurban Qurbanovun yetirmələri İsrail təmsilçisi "Aşdod”la görüşüb. Premyer Liqanın vitse-çempionu ilk matçı evdə keçirib.
İlk dəqiqələrdən üstünlüyə yiyələnən "Qarabağ” rəqib qapısına ardıcıl hücumlar təşkil etsə də, israillilərin müqavimətini qıra bilməyib. Bu azmış kimi, Qurbanovun yetirmələri qarşılaşmanı azlıqda bitirib. Matçın sonlarında Maksim Medvedev qırmızı vərəqə alaraq komandanı azlıqda qoyub. Bununla da "Qarabağ” mövsümə qolsuz sülhlə başlayıb.
Qeyd edək ki, komandalar arasında cavab oyunu iyulun 29-da İsraildə baş tutacaq.
Konfrans Liqası
II təsnifat mərhələsi, ilk oyun
22 iyul
20:00. "Qarabağ” (Azərbaycan) – "Aşdod” (İsrail) - 0:0
Qırmızı vərəqə: Maksim Medvedev, 83
Baş hakim: Sergey Boyko (Ukrayna)
