ABŞ-da 132 min insan üzərində aparılan araşdırma, qatığın yoğun bağırsaq xərçənginə qarşı qoruyucu təsir göstərə biləcəyini ortaya qoyub.
AZXEBER.COM xarici mətbuata istinadən xəbər verir ki, illər boyu aparılan araşdırmalara görə, bir çox xəstəliyin qarşısının alınması və müalicəsində funksiyalı olan qatıq tərkibində K və B12 vitaminləri və probiotik bakteriyalar var.
Çankırı Karatekin Universiteti Mühəndislik Fakültəsi Qida Mühəndisliyi Bölümü Dosent Dr. Hüdayi Ercoşkun ABŞ-da probiotik bakteriyalarla zəngin qatıq üzərində bir araşdırma aparıldığını və bu araşdırmanın qatığın yoğun bağırsaq xərçənginə qarşı qoruyucu təsir göstərə biləcəyi qənaətinə gəldiyini ifadə etdi.
Ercoşkun açıqlamasında, probiotik bakteriyaların insanın həzm sistemində yaşaya bilən, bağırsaq sistemindəki zərərli orqanizmlərlə rəqabət apararaq onların inkişafına mane olan mikroorqanizmlər olduğunu, həmçinin bağırsaqlarda insan üçün bəzi vacib komponentlər istehsal etdiyini bildirib.
Probiotik bakteriyaların bağırsaq sistemindəki zərərli mikroorqanizmlərlə rəqabət aparmaq və inkişafının qarşısını almaq baxımından əhəmiyyətli olduğuna diqqət çəkən Ercoşkun, bu zərərli mikroorqanizmlərin metabolitlərinin qana qarışmasının qarşısını aldığını da bildirib.
Gülay
