Uralsk hava limanında təyyarə quş sürüsü ilə toqquşub, lakin Astanaya doğru marşrutunu davam etdirib.
Bu barədə "Air Astana”nın mətbuat xidməti məlumat yayıb.
"2025-ci il yanvarın 25-də "FlyArystan” aviaşirkətinin Uralsk-Astana marşrutu üzrə FS 7366 saylı reysinin uçuşu zamanı Uralsk şəhərinin hava limanında quş sürüsü ilə toqquşma baş verib. Təyyarənin sistem və mühərriklərinin işində problem olmadığı üçün ekipaj uçuşu davam etdirib və Astana şəhərinin hava limanında normal qaydada eniş edib", - məlumatda qeyd olunub.
Bildirilib ki, artıq təyinat məntəqəsində təyyarədə çoxsaylı zədələr, o cümlədən mühərrikin içərisində quş qalıqları aşkar edilib.
"Bu nümunələr Uralsk hava limanında oxşar hadisələrin qarşısını almaq məqsədilə quşların növünü müəyyən etmək üçün DNT testinə göndəriləcək", - mətbuat xidməti vurğulayıb.
