Azərbaycanın hər keçən gün artan gücü, beynəlxalq aləmdə söz sahibinə çevrilməsi heç şübhəsiz ki, ən çox Qərbi narahat edir.
Özündən başqa heç kimi qəbul etməyən, "mən dediyimi et, men etdiyimi eləmə" prinsipi ilə yaşayan Qərb ölkələri Azərbaycanın daxili işlərinə qarışmağa və ölkəmizdəki sabitliyi pozmağa çalışır.
Siravi oxucu bu yerdə düşünə bilər ki, Qərb necə Azərbaycanın daxilinə qarışsın? Cavab isə çox sadədir: Qərb cəmiyyətimizi yaxından tanıyan, içinə sirayət edən FETÖ və SOROS-çuların əli ilə bu işi görməyə başlayıb. Son dövrlər Azərbaycanda radikal müxalifətin də fəallığı məhz bununla bağlıdır: Qərbdən düymə basılıb, FETÖ və SOROS Azərbaycanda fəallaşsın.
Elə son həbslər də təsadüfi deyil. Demək ki, hədəfdə Azərbaycandır. Qərb Türkiyədəki seçkilərdə heç nə əldə edə bilməyəndən sonra gözünü Azərbaycana dikib. FETÖ və SOROS-un rüsvayçı məğlubiyyəti Azərbaycanla kompensasiya edilməyə çalışılır.
Elə Qubad İbadoğlunun da müxalifətin "yeni siması" kimi hazırlamaq Qərbin növbəti planıdır.
Uzun illərdir ki, Qubad İbadoğlu qeyd olunan dairələrdən maliyyə alır və özünü elitar, ziyalı müxalifət lideri kimi cəmiyyətə təqdim etməyə çalışır. Onun yaxın dostu, həmfikri Cəmil Həsənlinin də həmin dairələrlə yaxşı münasibəti olduğu bəllidir.
Uzun illərdir ki, xaricdə yaşayan İbadoğlunun birdən birə Bakıda peyda olması təsadüfdürmü? Əlbəttə ki, xeyr. Demək ki, Qərb Cəmil Həsənlidən sonra özünə yeni ziyalı lider tapıbmış.
Bu yerdə sual oluna bilər ki, Qubad İbadoğlu axı İngiltərədə müəllim işləyir, bəs dərslərini qoyub necə Bakıya gəldi?
Kiçik araşdırmamız nəticəsində məlum oldu ki, o London School of Economics-də sadəcə qonaq müəllim kimi işləmişdir, onun heç də dissertantlar ilə işləməyə hüququ yoxdur.
Görünən odur ki, son zamanlar Qərb dairələri fəallaşır və Azərbaycanın daxili məsələlərə müdaxilə etməyə cəhd edir. Azərbaycan tam suveren ölkədir və heç kimin onun daxili işlərinə müdaxilə etməyə hüququ yoxdur.
Bunu etmək istəyənlərin aqibəti isə hər kəsə məlumdur.
