Ukrayna və Avropa ölkələri Rusiya ilə Ukrayna qoşunları arasında döyüşün dərhal dayandırılmalısına çağırış edib.
Bu barədə Ukrayna və Avropa liderlərinin birgə bəyanatında deyiblər.
Ukrayna və Avropa ölkələri qoşunların hazırkı təmas xəttini danışıqlar prosesi üçün bir başlanğıc nöqtəsi hesab edir.
"Ukrayna istənilən atəşkəsdən əvvəl, atəşkəs ərzində və atəşkəsdən sonra mümkün olan ən güclü mövqedə olmalıdır. Biz Putin sülhə hazır olana qədər Rusiyanın iqtisadiyyatı və hərbi sənayesinə təzyiqi artırmalıyıq. Biz Rusiyanın dondurulmuş aktivlərindən Ukraynanın tam istifadəsi üçün tədbirlər hazırlayırıq”, - bəyanatda qeyd olunub.
Bildirilib ki, Avropa liderləri həftəsonu Avropa İttifaqı Şurasının iclasında və "İstəklilər Koalisiyası” formatında görüşərək Ukraynaya dəstəklə bağlı müzakirələr aparacaq.
Qeyd edək ki, bəyanat Ukrayna Prezidenti, Britaniya Baş naziri, Almaniya Kansleri, Fransa Prezidenti, İtaliya Baş naziri, Polşa Baş naziri, Finlandiya Prezidenti, Danimarka Baş naziri, Norveç Baş naziri və Aİ liderləri adından yayılıb.
\APA
