Dekabrın 6-da Zirə Ekoparkda Qərbi Azərbaycan İcmasının "Qayıdış hüququ - Ermənistandan zorla çıxarılan Azərbaycanlılar üçün ədalətin təşviqi" mövzusunda ikinci beynəlxalq konfransının mədəni hissəsi baş tutub.
Tədbir çərçivəsində əvvəlcə xaricdən gələn bir sıra əcnəbi qonaqlar, Milli Məclisin deputatları, dövlət rəsmiləri ağacəkmə aksiyası həyata keçiriblər.
Daha sonra qonaqlar Qərbi Azərbaycan mədəniyyətinə həsr edilən sərgiylə tanış olublar.
Ardınca tədbir iştirakçıları Zirə Mədəniyyət mərkəzində Qərbi Azərbaycanlıların Ermənistanda dağıdılan mədəni irsi ilə bağlı filmə baxıblar.
Tədbir musiqi proqramı ilə yekunlaşıb.
Qeyd edək ki, sözügedən beynəlxalq tədbirin mədəni hissəsində bir çox media subyektləri, o cümlədən telekanal əməkdaşları iştirak ediblər.
AZXEBER.COM adıçəkilən beynəlxalq tədbirdə iştirak edib, yerli və xarici iştirakçıların təəssüratlarını öyrənib.
Mikayıl Mirzəzadə
Xanlar Əlizadə
