Rasim Balayev Şəfiqə Məmmədovaya əsəbləşdi

AZXEBER.COM-un azadliq.info-ya istinadən məlumatına görə, bu sözləri Azərbaycan Kinematoqrafçılar İttifaqının baş katibi Rasim Balayev dünən Azərbaycan Respublikası Kinematoqrafçılar İttifaqının sədri Şəfiqə Məmmədovanın “Rasim Balayevə mənzilləri, bağları Rüstəm İbrahimbəyov bəxş edib? Dövlət verib də” fikirlərinə münasibət bildirərkən deyib. Aktyorun qurumun yeni sədrinə cavabı çox sərt olub: “Bu insanlar riyakardırlar. Bu şəxsləri Rüstəm İbrahimbəyova qarşı öyrədiblər. Bu şəxsləri biz yaxşı tanıyırıq. Onlar intriqa ilə yaşayan insanlardır. Vaxtıilə bizdə işləyəndə iş görmək istəmirdilər. Oqtay Mirqasımovu da hamı yaxşı tanıyır. Nə Şəfiqə Məmmədovanın, nə də Oqtay Mirqasımovun mənəvi haqqı yoxdur bu cür danışmağa”.R.Balayev onu da vurğulayıb ki, yaradılan alternativ qurum onların ideyalarını oğurlamaqla fəaliyyət göstərmək istəyir: “Məsələn, regionlarımızda Azərbaycan kinosunun təbliğ olunması ilə bağlı biz dəstək üçün müraciət etmişdik. Amma belə dəstək göstərilmədi. Əgər bu layihəni yaradılan alternativ qurum reallaşdırarsa, bu da bizim qələbəmiz olacaq”.