Milli Məclisin Elm və təhsil komitəsinin sədri, Azərbaycan Dövlət İqtisad Universitetinin rektoru Şəmsəddin Hacıyev rəhbərlik etdiyi ali təhsil ocağından rüşvətxorluğa görə, qovulan müəllimlərin sayını açıqlayıb.
“2012-ci ilin sentyabr ayından bəri təxminən 12 müəllim işdən çıxarılıb. Buna səbəb rüşvətxorğuq faktlarıdır. Onu da bildirim ki, indi bizim universitetdə tələbə-müəllim arasında hər hansı xoşaglməz hadisə baş verərsə, o zaman ciddi ölçü götürülür”. Ş.Hacıyevin sözlərinə görə, Azərbaycan Dövlət İqtisad Universitetində imtahanlar tam şəffaf şəraitdə keçirilir. “Keyfiyyətli təhsil mühiti yaratmaq lazımdır. Məqsədimiz bundan ibarətdir. Başqa yolumuz yoxdur”-deyə o, vurğulayıb. /modern.az/
