Portuqaliya millisinin ulduz futbolçusu Kriştiano Ronaldo yığmamızla görüşdən (3:0) sonra fikirlərini bölüşüb.
AZXEBER.COM-un məlumatına görə, Ronaldo "Facebook" sosial şəbəkəsindəki səhifəsində Azərbaycanla oyunun çətin keçdiyini yazıb:
"İki oyundan 6 xal topladıq. Vəzifəmizi başa çatdırdıq. Əlbəttə,daha çox qol vura bilərdik. Ancaq Azərbaycan işimizi çətinləşdirdi. Seçmə mərhələdəki hər iki oyundan əldə etdiyimiz nəticələrbizi qane edir. Artıq klubuma dönmək zamanıdır.Hazırda yalnız "Real"ı fikirləşirəm. Bir daha təkrar edirəm ki, "Real"dakı problemim müqavilə ilə bağlı deyil. Hazırda hər bir futbolçu kimi yalnız komandamın bütün görüşlərdə qələbə qazanması və kuboklar əldə etməsi haqda düşünürəm".
Qeyd edək ki, "Real" rəhbərliyi Ronaldoya ömürlük müqavilə təklif edib. Lakin futbolçu hələlik bu təklifə münasibət bildirməyib.
