Karyerasını Çinin "Şanxay Şenhua" klubunda davam etdirən Didye Droqba dünyanın ən yaxşı futbolçuları -Kriştiano Ronaldo və Lionel Messi haqda xoş sözlər deyib.
AZXEBER.COM-un məlumatına görə, "France Football"a danışan Droqba "Qızıl top" mükafatını kimin qazanacağını söyləməkdə çətinlik çəkdiyini bildirib:
"Təbii ki, "Qızıl top" mükafatını ikisindən biri qazanacaq. Çünki Ronaldo və Messi hazırda dünyanın ən yaxşı futbolçularıdır. Hər ikisi rekordları alt-üst etməkdə davam edirlər. Onlar əsl "canavar"dılar. Bir neçə il öncə mövsümdə 30 qol vurmaq böyük uğur sayılırdı. Ancaq Ronaldo və Messi hər mövsüm 40-dan çox qol vururlar. Onların arasında seçim etməkdə çətinlik çəkirəm".
Qeyd edək ki, Droqba sonda "Çelsi"nin sahibi Roman Abrahimoviç və sabiq çalışdırıcısı Joze Mourinyo ilə sıx-sıx əlaqə yaratdığını bildirib.
