Dünya şöhrətli futbolçu Kriştiano Ronaldonun bacısı qalmaqallı sözləri ilə gündəmə gəlib.
AZXEBER.COM-un lent.az-a istinadən xəbərinə görə, Real Madrid futbol klubunun rəhbəri Florentino Perezin Ronaldo haqqında qalmaqallı açıqlamasına futbolçunun bacısı qəzəblənib.
Belə ki, klubun tərəfdarlarından biri "Ronaldonu transfer edək" deməsinə Perez "Kriştiano? O, 38 yaşındadır" - deyə lağ edib.
Bundan sonra futbolçunun bacısı Katia Aveiro ona bu sözləri deyib:
"Ronaldonun 38 yaşı var. Lakin o, hələ də 2 metrdən yuxarı tullanıb 3 dəqiqə orada qala bilir. Qardaşımın bədənində piy yoxdur. Özünə hörmət et, qoca!". Bu mübahisə sosial şəbəkələrdə gündəm mövzusuna çevrilib.
