Rusiyada içki məclisində faciə baş verib.
AZXEBER.COM "vesti.ru”ya istinadən xəbər verir ki, hadisə Bryansk vilayətinin "Moskovski" mikrorayonunda olub.
Bildirilib ki, 4 dost ev şəraitində yeyib-içərkən dostlardan biri özü ilə gətirdiyi qumbaranı stolun üzərinə qoyub. Bu zaman partlayıcı işə düşüb. Partlayış nəticəsində dostlardan biri - 29 yaşlı kişi qəlpə yarasından hadisə yerində ölüb.
Rusiya İstintaq Komitəsinin regional şöbəsi tərəfindən cinayət məcəlləsinin "ehtiyatsızlıqdan insan ölümünə səbəb olma, habelə partlayıcı qurğuların qanunsuz saxlanması” maddəsi ilə cinayət işi başlanıb.
