Azərbaycanın gələcək inkişafını təmin etmək üçün gənclərə ehtiyac var.
AZXEBER.COM xəbər verir ki, bu sözləri Dövlət Neft Şirkətinin prezidentiRövnəq AbdullayevBakı Ali Neft Məktəbində Bilik Günü münasibətilə keçirilən tədbirdə deyib.
O qeyd edib ki, ona görə də Prezident gənclərə böyük diqqət göstərir.
“Bütün respublikada yeni məktəblərin açılışı həyata keçirilir. Ən ucqar kəndlərdə belə yüksək bal toplayan tələbələrin sayı artır”.R.Abdullayev xaricdə təhsil üçün gənclərə verilən təqaüd proqramından da danışaraq qeyd edib ki, xaricdə təhsil almış gənclərdən 18 nəfəri hazırda yüksək vəzifələrdə çalışır.
Şirkətin prezidenti ölkədəki universitetlərin tələbələri üçün ayrılan təqaüdə də toxunaraq bildirib ki, 2005-2013-cü illərdə 11 min 800 tələbə təqaüd üçün müraciət edib.
Onun sözlərinə görə,onlardan 1582 tələbəyə təqaüd verilib.
R.Abdullayev əlavə edib ki, təqaüd verilən tələbələrdən 161 nəfəri hazırda SOCAR-da çalışır.
R.Abdullayev, eyni zamanda bildirib ki, yüksək nəticə göstərən tələblər gələcəkdə şirkətin xarici ölkələrdəki müəssisələrində təcrübə keçəcək.
