Şabran Rayon Əhalinin Sosial Müdafiəsi Mərkəzinin vəzifəli şəxslərinin əməlləri barədə Əmək və Əhalinin Sosial Müdafiəsi Nazirliyindən daxil olmuş material Korrupsiyaya Qarşı Mübarizə Baş İdarəsində araşdırılıb.
Dekabrın 17-də “Media forum” saytına açıqlama göndərən Baş Prokurorluğun mətbuat xidmətinin rəhbəri Eldar Sultanov bildirib ki, araşdırmalar zamanı mərkəzin vəzifəli şəxslərinin vəzifə səlahiyyətlərindən sui-istifadə edərək sosial müavinətlərin təyinatı və ödənilməsi zamanı 94 min manat məbləğində dövlət vəsaitini israf etdiyi aşkara çıxıb. İş Cinayət Məcəlləsinin 179.3.2-ci (mənimsəmə və ya israf etmə külli miqdarda törədilməklə) və 308.1 (vəzifə səlahiyyətlərindən sui-istifadə) maddələri ilə araşdırılır. İstintaq tədbirləri davam etdirilir.
