Şamil Əzizbəyov küçəsindəki fahişəxananı polisdən başqa hamı görür
Bütün Xəbərlər
11:55 09.10.2011
4443
Paytaxtın Şamil Əzizbəyov küçəsi, 148 ünvanında yaşayan sakinlər redaksiyamıza şikayət məktubu göndəriblər. Şikayət məktubunda qeyd olunur ki, yaşadıqları ünvana yaxın ərazilər əxlaqsızlıq yuvaları fəaliyyət göstərir və sakinlərin rahatlığını pozur. Sakinlər bununla bağlı Nəsimi Rayon Polis İdarəsinə (RPİ) və RPİ-nin 22-ci polis bölməsinə dəfələrlə müraciət ediblər. Şikayət məktubunda deyilir: “Gəlib bizi sorğu-sual edirlər, kimliyimizi, harada qeydiyyatda olduğumuzu araşdırırlar. Bizi günahkar çıxarmağa çalışırlar. Ancaq həmin fahişəxanalarla bağlı heç bir tədbir görülməyib. Axşam saatlarından başlayaraq ”Blade" masaj salonu, eləcə də qonşuluqdakı “Rest-klub”, “Arabia-klub” adlı qanunsuz fəaliyyət göstərən pritonlar var. Səhərə qədər insanları yuxusuna haram qatırlar. Hər gecə həmin barlarda dava, insident baş verir. Söyüş, qışqırıq səsi aləmi götürür. Bu iyrənc işlərin arxasında kimlərin dayandığını, obyektləri kimlərin himayə etdiyini bilmirik. Tələb edirik ki, hüquq-mühafizə orqanları araşdırma aparıb tədbir görsünlər".
