Bir neçə gün öncə barışan Nəfəs və Zeynəbin bu addımı, Zeynəbin digər rəfiqələri Şəbnəm və Türkanın qınağına səbəb olub.
AZXEBER.COM xəbər verir ki, "Xəzər" telekanalında "İncə səhər" verilişinə qonaq olan Şəbnəm Qəhramanova məsələ ilə bağlı fikirlərini bölüşüb.
O, bir daha Zeynəblə əvvəlki kimi səmimi münasibət qura bilməyəcəyini deyib:
"Bütün səmimiyyətimiz bitib, artıq o deyilik. Bütün günümüz bir keçirdi. Zeynəb, Türkan və mən. Yaxınımıza heç kimi buraxmırdıq. Əfsuslar olsun ki, belə bir dostluq bitdi. Deməli biz Zeynəbə yaxşı olmamışıq ki, o Nəfəssiz qala bilmədi. Biz Zeynəblə küsülü idik bir müddət. Sonra barışığımız oldu, amma demək ki, Zeynəbin Nəfəsə daha çox ehtiyacı var imiş. Onun Nəfəslə barışdığı zaman gözlərində olan sevgini gördük və sevindik. Daha onla dostluğu istəmirəm".
Şəbnəm, Zeynəbin xəstəliyi zamanı yaşadığı sarsıntıdan danışıb:
"Bizim yerimizi heç kəs verməyəcək ona. Onun xəstə olduğunu eşidəndə mənim dünyam qaralmışdı. Nəfəs yaxşı qızdır. Demək ki, Zeynəbə daha yaxşı enerji ötürüb o. Mənim heç kimlə düşmənçiliyim yoxdur. Vəfa Şərifova ilə küsülülüyümüz var amma o hər zaman hamıdan birinci yanımda olub mənim. Sadəcə dediyi sözə görə qəlbim qırılıb. Bəlkə də haçansa barışarıq, ola bilər. Amma Zeynəb, Şəbnəm, Türkan arasında əvvəlki səmimiyyət heç zaman olmayacaq. Biz Türkanla bir-birimizə bəsik. Nəfəslə Zeynəbi hər zaman barışdırmağa çalışmışdıq, istəmədilər. Daha sonra bir məkanda ola ola Zeynəb gəlib bizə salam vermədi. Qoy onun bu xoşbəxtliyi daimi olsun. Amma dəyişmək lazım deyildi bu qədər, məni bu incidir".
Aysel
