Səfər Əbiyev Əhmədinejadla görüşəcək

 Müdafiə Nazirliyinin mətbuat xidmətindən verilən məlumata görə, görüşdən əvvəl S. Əbiyevin rəsmi qarşılanma mərasimi keçirilib. Mərasimdə və hər iki ölkənin dövlət himni səsləndirilib.Sonra geniş tərkibdə davam etdirilən görüşdə İran-Azərbaycan əlaqələri və regiondakı vəziyyətlə bağlı müzakirələr aparılıb. Ə.Vəhidi İranla Azərbaycanın dini, tarixi və mədəni baxımdan çox yaxın ölkələr olduğunu, həmçinin hər iki ölkənin Xəzər dənizi və quru sərhədlərinin olduğunu qeyd edib.S. Əbiyev isə öz növbəsində martın 7-də İran, Azərbaycan və Türkiyə xarici işlər nazirlərinin Naxçıvanda baş tutan görüşünün əhəmiyyətindən danışıb. O, Azərbaycan-İran münasibətlərinin inkişafının normal məcrada davam etdiyini qeyd edib. Görüşün sonunda nazirlər media nümayəndələri üçün mətbuat konfransı keçiriblər.Qeyd edək ki, S. Əbiyevin bu gün İran İslam Respublikasının prezidenti Mahmud Əhmədinejadla da görüşü gözlənilir.