"Sumqayıt" sabiq futbolçusu ilə müqavilə imzaladı

İDMAN
19:41 12.01.2022
122
Dövrələrarası fasilədə transfer çalışmalarını davam etdirən "Sumqayıt” Vüqar Bəybalayevdən sonra daha bir futbolçunun keçidini rəsmiləşdirib.

AZXEBER.COM klubun rəsmi saytına istinadən xəbər verir ki, "gənclik şəhəri" təmsilçisi son olaraq "Səbail”də çıxış etmiş yarımmüdafiəçi Elşən Abdullayevlə 2,5 illik müqavilə imzalayıb. 28 yaşlı oyunçu yeni komandasında "24” nömrəli formada çıxış edəcək.

Qeyd edək ki, 2013/14 mövsümündə də icarə əsasında "Sumqayıt”ın şərəfini qorumuş Elşən Abdullayev həmin dönəmdə meydana çıxdığı 17 qarşılaşmada 1 dəfə qol vurub. O, son klubu "Səbail”lə yanaşı "Neftçi”, "Qarabağ”, Zirə” və "Sabah”da da çıxış edib. 23 yaşadək futbolçulardan ibarət Azərbaycan millisi ilə 4-cü İslam Həmrəyliyi Oyunlarının qalibi olmuş Abdullayev U-17, U-19 və U-21 yığmalarının də uğurları üçün çalışıb.

OXŞAR XƏBƏRLƏR