TƏHSİL NAZİRİNDƏN DİNDARLARIN ETİRAZINA CAVAB

“Lent.az”a açıqlamasında Misir Mərdanov əvvəlcə jurnalistlərin bu cür olaylara necə münasibət bəslədiyini soruşub: “Mən bilmək istəyərdim ki, jurnalistlərin bu hadisəyə münasibəti necədir? Əvvəla, bu, Misir Mərdanovun məsələsi deyil. Azərbaycan Respublikasının Milli Məclisi qanun qəbul edib. Hər bir vətəndaşın da borcudur ki, həmin qanuna əməl etsin. Biz də öz növbəmizdə bu qanunlarımıza riayət edirik. Qanunun 14.10-cu maddəsində göstərilib ki, təhsil müəssisələrində geyim formaları həmin müəssisənin daxili nizamnaməsi əsasında müəyyən olunur”