Nəqliyyat Nazirliyinin “Avtonəqliyyatservis” departamentinin 11 saylı “Regionalnəqliyyat” Məhdud Məsuliyyətli Cəmiyyəti (MMC) Tovuz, Ağstafa və Qazax rayonlarında nəqliyyat xidməti göstərən şəxslərdən sərnişin və yük daşınmalarına görə ödənilən vergilərə nəzarət edir.MMC-dən AzərTAc-a bildiriblər ki, yanvar-iyun aylarında müəssisə tərəfindən nəqliyyat xidməti göstərən 3898 ədəd minik və yük maşını qeydiyyata alınıb və onlara fərqlənmə nişanı verilib. Bunun müqabilində büdcəyə 48 min 890 manat vəsait ödənilib.
