Bu gün Beyləqan şəhər Mədəniyyət sarayında “Türkiyə Universitetləri Məzunları”İctimai Birliyi (TUMİB) Azərbacan Respublikası Prezidenti yanında Gənclər Fondunun maliyyə dəstəyi ilə “Biz narkotik bəlasını tanıyırıq və gənclərə tanıdırıq” adlı layihəsi çərçivəsində “Narkotik bəlasından gəncləri qoruyaq” adlı təlimlərini davam etdirdi.
Təlimi TUMİB-in sədri Çingiz Bayramov açaraq tədbir haqqında qısa məlumat verdikdən sonra sözü təşkilatın idarə heyətinin üzvü və layihənin təlimçisi Cabir Dövlətzadə təssüflə qeyd etdi ki, bəşəri bəla olan narkomaniyanın Azərbaycanda gəncləri arasındada yayılmağa başlamasından və gənclərimizi bu mövzuda maarifləndirmək hər bir vətəndaşın aktiv rol almasının vacibliyindən bəhs etdi. Daha sonra TUMİB-in “Gənclər Mərkəzi”nin üzvü və gənc jurnalist Turxan Əliquliyev çıxış edərək tanıdığı yaşıdlarının narkomaniya bəlası ilə necə qarşılaşığı və daha sonra müalicə olsa belə fəsadları haqqında danışdı.
Təlimdə digər çıxış edənlər Azərbaycan prezidenti cənab İlham Əliyevə ölkədə gənclərə yaradılan hər cür şəaritlə bağlı qayğısından danışdılar və qeyd etdilər ki, Azərbaycan Respublikasının Prezidenti yanında Gənclər Fondunun dəstəyi ilə bu cür layihələrin regonlarda keçirilməsi Azərbaycan gənclərinin narkotik bəlasından maariflənməsi üçün ciddi əhəmiyyət daşıyır.
Təlimin sonunda iştirakçılara TUMİB-in diplomları verildi.
