ABŞ Prezidenti Donald Tramp İranın Vaşinqtonun münaqişənin nizamlanması ilə bağlı irəli sürdüyü şərtləri qəbul etməyəcəyi təqdirdə məhv ediləcəyi ilə hədələyib.
Tramp bu barədə Nyu-York ştatının Sirakuz şəhərində tərəfdarları qarşısında çıxışı zamanı bildirib.
ABŞ lideri İranla bağlı məsələnin yaxın zamanda həll olunacağını iddia edib.
"Sizə bir söz deyim: İranla bağlı hər şey çox tez həll olunacaq. Bu və ya digər şəkildə. Ya onlar bizə hər şeyi verəcəklər, ya da mövcudluqlarına son qoyulacaq. Onlar da bunu bilirlər”, – Tramp vurğulayıb.
ABŞ Prezidenti İranın Vaşinqtonun tələblərini yerinə yetirməsinin vacibliyinə işarə etsə də, çıxışında həmin şərtlərin konkret nələrdən ibarət olduğunu açıqlamayıb.
///teleqraf///
