Hadisə yerinə çoxsaylı polis gətirilib və aksiya baş tutmayıb, 100-dən çox müxalifətçi həbs olunub. AZXEBER.COM-un hadisə yerində olan əməkdaçının verdiyi məlumata görə, millət vəkilliyinə eks-namizəd, hazırda köşə yazıları yazan Turan İbrahimov da saat 16 radələrində "Sahil" bağında olub. Xatırladaq ki, 2 aprel mitinqi zamanı da Turan İbrahimov hadisə yerinə gəlmiş, yaxınlığdakı restoranlardan birində mitinqi izləmişdi.
Bu dəfə isə İbrahimov avtomobilindən düşməyi lazım bilməyib və öz şəxsi "Nissan Murano"sunda aksiyanı izləyib. O, bu hərəkətini belə izah edib: "Press jiletim olmadığından avtomobildən düşməyi lazım bilmədim".
