Türkiyə NATO-nun Təkmilləşdirilmiş Hava Polisliyi missiyasını iyulun 31-də Portuqaliyadan təhvil alacaq.
Bu barədə Türkiyə Milli Müdafiə Nazirliyinin həftəlik media brifinqində məlumat verilib.
Nazirliyin sözçüsü Zeki Aktürk bildirib ki, missiyanın təhvil-təslim mərasimi iyulun 31-də keçiriləcək.
Onun sözlərinə görə, 1 avqust–30 noyabr 2026-cı il tarixlərində Estoniyanın Əmari Hərbi Hava Bazasında fəaliyyət göstərəcək Türkiyə kontingentinin dislokasiyası artıq başa çatıb. Missiya çərçivəsində bazaya 5 ədəd F-16 qırıcı təyyarəsi və missiyada iştirak edəcək şəxsi heyət yerləşdirilib.
Zeki Aktürk qeyd edib ki, missiya müddətində Türkiyə Silahlı Qüvvələri Baltik hava məkanının təhlükəsizliyinin təmin edilməsinə töhfə verəcək. Qüvvələr hava məkanının mühafizəsi üzrə tapşırıqları yerinə yetirmək məqsədilə sutkanın 24 saatı, həftənin 7 günü döyüş növbətçiliyi rejimində fəaliyyət göstərəcəklər.
///apa
