Xəbər verdiyimiz kimi, dünya ali məktəblərinin ”Webometrics” adlı reytinq cədvəli açıqlanıb. APA-nın məlumatına görə, 2012-ci ilin yanvar ayında dünya ali məktəblərinin ümumi gücü, müasirliyi, o cümlədən elektron-virtual dünyada gücü, tanınması əsas götürülərək 23 000 ali məktəb, o cümlədən Azərbaycandan 38 ali məktəb növbəti dəfə öyrənilib, tədqiq olunub. Nəticədə ali məktəblərin adı açıqlanıb, onların hər birinin tutduğu yer elan edilib. Reytinq üzrə yüksək liqada (ilk 1/3) Azərbaycandan yalnız bir ali təhsil müəssisəsi - Xəzər Universiteti yerləşib (6233-cü yer). İkinci liqada (ikinci 1/3) ilk 3 yeri Qafqaz Universiteti (7771), Bakı Dövlət Universiteti (8833), Azərbaycan Diplomatiya Akademiyası (8926) tutur. Burada Azərbaycanın 18 ali məktəbi yer alıb. | |||||||||||||||||||
Məsələylə bağlı AZXEBER.COM Təhsil Nazirliyinin mətbuat xidmətinə müraciət edib. Lakin Təhsil Nazirliyinin müvafiq şöbəsindən bu haqda suallara cavab verilməyib.
Məsələyə yenidən qayıdacayıq.
Gülnarə BAYRAMOVA
