3 oktyabr 1993-cü il Azərbaycan tarixində mühüm siyasi hadisə kimi yadda qalıb. Həmin gün keçirilən prezident seçkilərində xalqın böyük etimadını qazanan Heydər Əliyev Azərbaycan Respublikasının Prezidenti seçilib.
Ulu Öndərin dövlət rəhbərliyinə qayıdışı ölkənin mürəkkəb ictimai-siyasi vəziyyətdən çıxarılması, dövlətçiliyin möhkəmləndirilməsi və sabitliyin təmin olunması istiqamətində yeni mərhələnin başlanğıcı oldu. Heydər Əliyevin rəhbərliyi ilə Azərbaycan dövlət müstəqilliyini möhkəmləndirdi, ölkənin sosial-iqtisadi inkişafı və beynəlxalq əlaqələrinin genişləndirilməsi istiqamətində mühüm addımlar atıldı.
Ümummilli Liderin həyat və fəaliyyətinin əsas qayəsini Azərbaycan xalqına və dövlətinə sədaqətli xidmət təşkil edirdi. Onun müəyyən etdiyi dövlətçilik siyasəti və inkişaf strategiyası sonrakı illərdə də davam etdirilərək ölkəmizin hərtərəfli inkişafına mühüm töhfələr verdi.
Heydər Əliyevin Vətənə və xalqa xidmət nümunəsi bu gün də Azərbaycan xalqının yaddaşında yaşayır. Onun dövlətçilik irsi və ölkənin inkişafı naminə gördüyü işlər gənc nəsil üçün mühüm örnək olaraq qalır.
Vətənə, xalqa və dövlətə sədaqətli xidmət anlayışı Ulu Öndərin həyat yolunda özünün ən parlaq ifadəsini tapıb.
Müəllif: Minayə Orucova
Göygöl rayonu, şəhid anası
