Tovuz rayonunda yerləşən TürkEl televiziyası tərəfindən Xocalı soyqırımının ildönümü ilə bağlı qeyri-adi flashmob aksiya keçirilib. AZXEBER.COM-un məlumatına görə, fevralın 21-də Qırmızı Körpüdən başladılan aksiyaya ilk olaraq Gürcüstanda yaşayan həmvətənlərimiz qoşulub.
“Xocalıya ədalət” şüarı altında keçirilən aksiya iştirakçıları Bakı-Qazax avtomagistralı ilə 500 km-lik yolu qət edərək Bakıdakı “Ana harayı” abidəsinə gəliblər. Aksiyaçılar əllərində yanar məşəl tutublar. Yolboyu keçdikləri yaşayış məntəqələrinin sakinləri məşəldən şam yandıraraq, Xocalı soyqırımında həlak olanların xatirəsini anıblar.
“Bakı Kreativ Gənclər” birliyinin də üzvlərinin də qatıldığı dinc aksiyada Xətai RİH-nin nümayəndələri də iştirak edib.Ozal İbrahimli
