"Yahşi Cazibə"də Azərbaycan qadınları təhqir edildi: “Amma kişi tapmayanda İstanbula gəlirsiniz”
MARAQLI
00:37 12.09.2011
5584
Azərbaycanda da geniş tamaşaçı auditoriyasına malik olan türk serialı “Yaxşı Cazibə”nin bu günlərdə Bakıda çəkilən bölümündə Azərbaycan qadınları təhqir olunub. Serialın əsas obrazlarından olan Kamal (Yaxşı Cazibənin əri) Yaxşı Cazibəni axtararkən Azərbaycan qadınlarını təhqir edən sözlər işlədib. Yaxşı Cazibəni soruşarkən yaranan anlaşılmazlıq səbəbindən azərbaycanlı qadınlar Kamala (aktyor Hakan Yılmaz) “kobud” deyirlər. Kamal isə onların arxasınca belə deyir: “Amma kişi tapmayanda İstanbula gəlirsiniz”.Baş qəhrəmanı azərbaycanlı olan (Yaxşı Cazibə azərbaycanlı qadının obrazıdır) bir serialda belə yersiz ifadəyə yer verilməsi təbii ki, müsbət qiymətləndirilə bilməz.Xatırladaq ki, “Yaxşi Cazibə” teleserialının yaradıcı heyəti avqustun sonlarında Bakıya gəlmişdi.Azərbaycana gələn 20 nəfərlik heyətə “Yaxşı Cazibə” serialının ssenari müəllifi Gari Müjde, rejissoru Bora Onur, serialın operatorları, serialın məsləhətçisi, Türkiyədə yaşayan azərbaycanlı aktrisa Məlahət Abbasova, eləcə də əsas rolların ifaçıları Aslihan Gürbüz (Cazibə), Hakan Yılmaz (Kamal) və Hande Katiboğlu (Simge) da vardı.“Yaxşı Cazibə”nin bir bölümü Azərbaycanda çəkildi. Çəkilişlər sentyabrın 1-i və 2-də baş tutmuşdu.
