22:41 çərşənbə Axşamı, 18 Fevral 2020
GƏNCLİK

“Yüksəliş” müsabiqəsinə qəbul olanların sayı açıqlandı

11:02, 07.02.20206269
“Yüksəliş” müsabiqəsinə qəbul olanların sayı açıqlandı
"Yüksəliş" müsabiqəsinin qeydiyyat mərhələsindən keçən 11.760 nəfərdən 9.775-i müsabiqəyə qəbul edilib.

AZXEBER.COM xəbər verir ki, bunu müsabiqə ilə bağlı yaradılan İşçi qrupunun rəhbəri Fərhad Hacıyev deyib.

Onun sözlərinə görə, müsabiqəyə qəbul edilənlərin 2339 nəfəri qadın, 7436 nəfəri kişidir:

"Onların 40 faizi 21-30 yaş (3910 nəfər), 46,95 faizi (4589 nəfər) 31-40 yaş, 13,05 faizi (1276) 41-51 yaş qruplarına daxildir. Müsabiqəyə 1999-cu il təvəllüdlü 28 nəfər, 1990-cı il təvəllüdlü 622, 1968-ci il təvəllüdlü 12 nəfər müraciət edib".

O qeyd edib ki, müsabiqəyə 1000 nəfər dövlət qulluqçusu qatılıb: "Müsabiqəyə ən çox Bakı-Abşeron (53,70%) və Aran (11,42 faiz) zonalarından, ən az isə Naxçıvan (1,80 %) qatılıblar".

Xatırladaq ki, sabah, fevralın 8-də "Yüksəliş" müsabiqəsinin növbəti - onlayn mərhələsinin ümumi biliklər üzrə ilk sınaq imtahanı keçiriləcək. Fevralın 16-da müsabiqənin Onlayn mərhələsinin Ümumi bilik üzrə əsas imtahanı təşkil ediləcək.

XƏBƏR LENTİ