Yunanıstanda davam edən isti hava dalğası səbəbindən açıq havada görülən işlərə məhdudiyyət qoyulub.
AZXEBER.COM xarici mətbuata istinadən xəbər verir ki, Əmək və Sosial Təminat Nazirliyinin açıqlamasına görə, ölkənin bir sıra bölgələrində, o cümlədən paytaxt Afinanın yerləşdiyi Attiki ərazisində saat 13:00-dan 17:00-dək tikinti, gəmiqayırma və kuryer xidmətləri kimi açıq havada görülən işlər dayandırılıb.
Qərar işçilərin yüksək temperaturdan qorunması məqsədilə qəbul edilib. Sağlamlıq problemi olan ofis işçiləri, yaşlılar və hamilə qadınlar kimi risk qrupuna daxil olan şəxslərin isə evdən işləməsinə icazə verilib.
Meteoroloqların proqnozuna görə, ölkənin bəzi bölgələrində havanın temperaturu 40 dərəcəni keçəcək. Fessaliya bölgəsində temperaturun 43 dərəcəyə çatacağı gözlənilir.
Bəzi ərazilərdə isti hava ilə yanaşı səhradan gələn tozun da təsirli olacağı bildirilib.
Gülay
