Yay istisində sərinləmək üçün dayanmadan qəhvə, qazlı içki və ya meyvə suyu içmək əvəzinə daha yüngül alternativlər axtaranların sayı durmadan artır.
Dünyanın müxtəlif bölgələrində bu ehtiyacı qarşılayan ənənəvi içkilər mövcuddur. Ancaq son günlərin favoriti Yaponiyada qovrulmuş qreçikadan (qarabuğdadan) hazırlanan sobachadır...
Həm şəkərsiz, həm də təbii olaraq kofei̇nsiz olması ilə seçilən bu içki yaponların gündəlik həyatında, xüsusilə də isti havada tez-tez istehlak olunur.
Yaponiyada sobacha yaşıl və ya qara çay kimi çay yarpaqlarından hazırlanan bir içki deyil.
Adını yapon dilində "soba" kimi bilinən qarabuğdadan alan bu içki qovrulmuş qarabuğda dənələrinin isti su ilə dəmlənməsi nəticəsində əldə edilir.
Sobachanın ən diqqətçəkən xüsusiyyətlərindən biri təbii olaraq kofein ehtiva etməməsidir.
Bundan əlavə, şəkərsiz hazırlandığı üçün tərkibində əlavə şəkər də yoxdur.
Qarabuğda başda rutin olaraq müxtəlif fenolik birləşmələr və antioksidantlar ehtiva edir. Rutin antioksidant xüsusiyyətlərinə görə elmi araşdırmalarda tez-tez tədqiq edilən mühüm flavonoidlərdən biridir.
Su əsas maye mənbəyi olaraq qalmağa davam etsə də, sobacha da gündəlik maye qəbuluna gözəl töhfə verə bilər. İstər isti, istərsə də soyuq içilə bilməsi xüsusilə yay aylarında ondan istifadəni daha da rahatlaşdırır.
İçərisinə şəkər, bal və ya başqa bir dadlandırıcı qatılmadan hazırlananda sobacha çox aşağı kalorili bir içkiyə çevrilir. Bəzi hazır sobacha məhsullarında 100 ml üçün 0 kkal və 0 mq kofein olduğu qeyd edilir.
///milli.az///
