Hadisə nəticəsində Biləcəri-Xirdalan yolunda maşın sıxlığı yaranıb.
Bu gün saat 11:10 radələrində Bakının Binəqədi rayonunda zəncirvari yol qəzası baş verib. Binəqədi Rayon Polis İdarəsindən Anspress-ə verilən məlumata görə, hadisə Biləcəri-Xirdalan yolunda baş verib. Belə ki, “VAZ-21015”, BMW, “Mercedes”, “Hyundai” markalı minik maşınları və kiçik tutumlu yük maşını toqquşub. Nəticədə bir neçə nəfər yüngül xəsarət alsa da, xoşbəxtlikdən, ölən olmayıb. Hadisə nəticəsində yolda maşın sıxlığı yaranıb. Faktla bağlı araşdırma aparılır.
