Şəki rayonunun bir neçə yaşayış məntəqəsində mavi yanacağın verilişi mütəmadi təmir işlərinə görə müvəqqəti dayandırılır.
Zaqatala Regional Qaz İstismarı İdarəsindən verilən xəbərə görə, kəsinti sentyabrın 4-ü saat 10:00-dan etibarən başlanacaq.
Payız-qış mövsümünə hazırlıq məqsədilə aparılan işlər yekunlaşana qədər Aşağı Göynük, Köndələn, Abbaskənd, Birinci Biləcik, İkinci Biləcik, Baş Göynük, Qumux və Baş Layısqı kəndləri qazsız qalacaq. Təmir yekunlaşandan dərhal sonra təchizat bərpa olunacaq.
